Եվրոպայի Բիզնես Գագաթնաժողովի նախաձեռնությամբ 2010թ.-ի հոկտեմբերի 10-13-ը Օքսֆորդի քաղաքապետարանի հանդիսությունների դահլիճում տեղի ունեցան «Առաջնորդների Օքսֆորդի Գագաթնաժողով» կոնֆերանսը և XLVII «International Socrates Award Ceremony» հանդիսավոր մրցանակաբաշխությունը:
Ավելի քան 100 առաջատար դիվանագետներ, գործարարներ, ֆինանսիստներ, գիտնականներ, բարձրագույն ուսումնական հաստատությունների ղեկավարներ և հասարակական գործիչներ բազմաթիվ երկրներից` Ավստրիա, Միացյալ Թագավորություն, Շվեյցարիա, Բուլղարիա, Սերբիա, Ռումինիա, Էստոնիա, Ռուսաստանի Դաշնություն, Հայաստանի Հանրապետություն, Ուկրաինա, Ղազախստանի Հանրապետություն, Ադրբեջանի Հանրապետություն, Եգիպտոս, Թուրքիա, Նիգերիա, Վրաստան, Մոլդովա, Տաջիկիստան և այլ, ներկայացրեցին նշված երկրների բարձրաշխարհիկ հասարակությունը:
Այս պատվաբեր մրցանակը տրվում է այն կազմակերպություններին, որոնք բազմիցս ապացուցել են իրենց կողմից տրամադրված ծառայությունների բարձր որակն ու մրցունակությունը:
«Եվրոպական Որակ» անվանակարգն առաջադրվում է Եվրոպայի Բիզնես Գագաթնաժողովի կողմից` հիմնված վիճակագրական և խորհրդատվական տվյալների, ինչպես նաև ԵԲԱ գործընկերների առաջարկությունների վրա:
«Տոնուս-Լես» ընկերությունն իր տասնամյա գործունեության ընթացքում հավատարիմ է եղել իր կարգախոսին`«Կենսունակության և Առողջության Գրավական»՝ մշտապես իր սպառողին տրամադրելով որակյալ դեղորայք և բժշկական պարագաներ: