ՀՀ տնտեսական զարգացման և ներդրումների նախարարության կողմից` Իրանի նանոտեխնոլոգիական նախաձեռնությունների խորհրդի հետ համատեղ, 2017թ. սեպտեմբերի 22-23-ը Երևանում` անցկացվում էր նանոտեխնոլոգիաների ոլորտում հայ-իրանական համաժողովը:
Համաժողովը կազմակերպվել էր Եվրամիության համաֆինանսավորմամբ իրականացվող «Աջակցություն Հայաստանում փոքր և միջին ձեռնարկատիրության զարգացմանը» (“Support to SME Development in Armenia” (SMEDA) ծրագրի շրջանակում` Գերմանական միջազգային համագործակցության ընկերակցության (GIZ) աջակցությամբ:
Համաժողովի 2-րդ օրը «Տոնուս-Լես» ընկերության ներկայացուցիչը ներկայացրեց «Արծաթացող» ապրանքանիշը, որն արծաթի նանոմասնիկներ պարունակող հակասեպտիկ և հակասնկային միջոց է:
Համաժողովը գործընկերային կապեր հաստատելու գերազանց հարթակ էր գիտատեխնոլոգիական և գործարար հանրության համար, որի վառ վկայությունն են համաժողովի ավարտին ստորագրված երեք հուշագրերը:
Համագործակցության մտադրության վերաբերյալ հուշագիր է ստորագրվել նաև «Տոնուս Լես» և «Էքզիր Նանո Սինա» ընկերությունների միջև։
Հուշագիրը ստորագրել են՝ «Էքզիր Նանո Սինա» ընկերության տնօրեն Մահմուդ Ռեզա Ջաաֆարին և «Տոնուս Լես» ընկերության ներկայացուցիչ Կարինա Գևորգյանը:
