«Տոնուս-Լես» դեղագործական ընկերությունը «Երկրները մեկ հարկի տակ 2019» խորագիրը կրող
մրցանակաբաշխության շրջանակներում ճանաչվել է «ԴԵՂԱԳՈՐԾԱԿԱՆ ՈԼՈՐՏԻ ԼԱՎԱԳՈՒՅՆ ԸՆԿԵՐՈՒԹՅՈՒՆ»:
Մրցանակաբաշխության արդյունքների համար հիմք է ծառայել հատուկ հանձնաժողովի փորձագիտական կարծիքը, իսկ
հավաստագիրը ստորագրվել է ՀՀ Առողջապահության նախարար Արսեն Թորոսյանի կողմից: «Տոնուս-Լես» ընկերությունն իր
գործունեությունը սկսել է ընդամենը մեկ դեղատնից և դինամիկ զարգացման, քրտնաջան աշխատանքի շնորհիվ ներկայումս
ոլորտի առաջատար ընկերություններից է: Այն եզակի է իր փիլիոսոփայությամբ, որդեգրած արժեքներով և ոլորտում ներդրած
ավանդով: «Տոնուս-Լես» ընկերությունը ներկայումս իր գործունեությունը ծավալում է հետևյալ ոլորտներում՝
- Դեղատնային ցանց և դեղերի մեծածախ վաճառք
- Պայմանագրային հետազոտական կազմակերպություն և սեփական ապրանքանիշով դեղամիջոցների արտադրություն
- Առաջատար դեղագործական ընկերությունների պաշտոնական և բացառիկ ներկայացուցչություն Հայաստանում և Վրաստանում
- Կենսաակտիվ հավելումների արտադրություն (GMP ստանդարտով)
- Դեղերի կենսահամարժեքության հետազոտության կլինիկա:
«Դեղագործական ոլորտի լավագույն ընկերություն» պատվավոր մրցանակը խիստ պարտավորեցնող է. այն «Տոնուս-Լես» ընկերության նվիրված և
պրոֆեսիոնալ աշխատանքի առհավատչյան է: Մենք շարունակելու ենք մեծ եռանդով և մեծ պատասխանատվությամբ հանրությանը մատակարարել
անվտանգ և որակյալ դեղամիջոցներ, իսկ դեղագործական ոլորտում էլ մշտապես հանդես ենք գալու նորարարություններով և նոր նախագծերով»,-նշել է
«Տոնուս-Լես» ընկերության կոմերցիոն տնօրեն Սերգեյ Հակոբյանը: