Զինդոլին

Զինդոլին – վարակի հետ դեմ առ դեմ

Ընդունել միայն բժշկի ցուցմամբ

Բաղադրություն. 1 հաբում` ցիպրոֆլօքսացին 500 մգ

Դեղաբուժական խումբ. ազդեցության լայն սպեկտր ունեցող ֆտորքինոլոնների խմբի հակաբիոտիկ:

Ցուցումներ.

Գրամ բացասական մանրէներից առաջացած ստորին շնչառական ուղիների վարակներ

- թոքերի քրոնիկական օբստրուկտիվ հիվանդության սրացումներ,

- բրոնխաթոքային վարակներ բշտիկային ֆիբրոզի կամ բրոնխէկտազի ժամանակ,

- թոքաբորբ

Քրոնիկական թարախային միջին ականջաբորբ
Քրոնիկական ծոցաբորբի կտրուկ սրացում
Միզուղիների վարակներ
Սեռական օրգանների վարակներ
Ստամոքսաղիքային ուղու վարակներ (օրինակ՝ ճանապարհորդների փորլուծություն)
Ներորովայնային վարակներ
Մաշկի և փափուկ հյուսվածքների վարակներ, որոնք պայմանավորված են գրամ բացասական մանրէներով
Չարորակ արտաքին ականջաբորբ
Ոսկրերի և հոդերի վարակներ
Neisseria meningitides բակտերիայից առաջացող ինվազիվ վարակների կանխարգելում
Սիբիրախտի թոքային ձև (կանխարգելում և բուժում)։

Ցիպրոֆլօքսացինը կարող է օգտագործվել նեյտրոպենիայով հիվանդների մոտ, որոնք ունեն տենդ՝ ենթադրաբար, բակտերիալ վարակի պատճառով։

Դեղաչափը և օգտագործման եղանակը.

Կիրառել համաձայն բժշկի նշանակման:

Ներքին ընդունման համար: Չափահասների համար (18 տարեկան և ավելի) ստանդարտ դեղաչափը՝ 500 մգ (1հաբ) օրական 2 անգամ: Դեղաչափավորումը և բուժման տևողությունը տարբեր հիվանդությունների դեպքում կարող է տարբեր լինել:

Հակացուցումներ. Գերզգայունություն ցիպրոֆլօքսացինի կամ այլ ֆտորքինոլոնների, ինչպես նաև դեղամիջոցի ցանկացած այլ բաղադրիչների նկատմամբ, ցիպրոֆլօքսացինի և տիզանիդինի համակցված ընդունում, երեխաներ և դեռահասներ (մինչև 18 տարեկան, բացառությամբ Pseudomonas aeruginosa-ով առաջացրած թոքերի մուկովիսցիդոզի բարդությունների բուժման 5-17 տարեկան երեխաների մոտ), հղիություն և կրծքով կերակրման շրջան:

Պահպանում. պահպանել 25°C ջերմաստիճանից ոչ բարձր պայմաններում:

Թողարկման ձև. 10 հաբ (կիսման գծով) բլիստերում, ստվարաթղթե տուփի մեջ՝ ներդիր-թերթիկի հետ միասին:

Արտադրող. «Ռեմեդիկա», Կիպրոս:

Տես նաև. http://www.remedica.eu